"أعذرني، أنا يمكن عقلي مش قادر يستوعب هذا الحادث".

كان ذلك هو تعليق المذيعة بشبكة قنوات "صدى البلد"، رشا مجدي، أثناء طرحها سؤالا على النائب البرلماني علاء عابد، بشأن حادث مسجد الروضة بشبه جزيرة سيناء المصرية، حيث تابعت: "يعني شفنا هجمات للشرطة والجيش، قلنا.. همه دول فيه عنف متبادل معاهم، ماشي.

شفنا إن همه هذه الجماعات المتطرفة كانت بتهاجم العديد من الكنائس، وفقدنا عديد… العديد من المواطنين اللي كانوا بيصلوا، قلنا آه.. معتبرين إنه دين غير الدين الإسلامي… آآآ يعني عدو ليهم برضه.. ماشي.. عايزة أفهم… وبعدين إحنا بقالنا فترة ..".

وهنا قاطعها الزميل في الاستوديو: "لأ هو مش ماشي، إحنا بنتكلم على إن هو ده تفكيرهم المريض المتخلف، لكن مش ماشي".

فتابعت المذيعة: "ده تفكير المتطرف أيوه، عايزة أفهم يا أفندم.. دلوقتي همه بقالهم شوية كان أغلب العمليات استهداف رجال الشرطة والجيش، إيه التغير اللي حصل بدخول مسجد يوم جمعة ساعة صلاة جمعة، ويستهدف هذا العدد.. أنا مش قادرة أفهم التفكير، بالنسبة لي الحادثة جديدة، أو تفكيرهم اختلف".

وقد قرر محمد أبو العينين، رئيس ومالك شبكة قنوات "صدى البلد" إحالة المذيعة للتحقيق وإيقافها عن العمل لذلك التعليق غير الموفق على حد تعبيره.

كما أشار أبو العينين في بيان له، أن الشعب المصري "يقف صفا واحدا خلف القوات المسلحة والشرطة، وسوف ننتصر في معركتنا ضد هؤلاء الجبناء".

كما أكد على استنكاره التام لأي عمل إرهابي بقوله: "كلنا قيادة وشعبا نرفض الإرهاب شكلا وموضوعا، على أي بقعة من أرض مصر، أو في أي مكان في العالم كله.. ونحن في مصر شعبا واحدا لا فرق بين مسلم ومسيحي".

[youtube]https://www.youtube.com/watch?time_continue=3&v=uB1ZmY2HeZ8[/youtube]

تعليق مذيعة مصرية على هجوم الروضة يتسبب في إيقافها