روى عددا من لاعبي فريق الكرة بالنادي الأهلي شهادتهم حول واقعة اعتداء جماهير المصري البورسعيدي على جماهير الأهلي ولاعبي الجهاز الفني والطبي والتراس النادي الأهلي , والتي أسفرت عن مقتل ما يقرب من 15 من رابطة مشجعي النادي الأهلي ” ألتراس أهلاوي ” .

وأكد حسام عاشور لاعب خط وسط النادي الأهلي وفاة أحد جماهير الأهلي داخل غرفة، وأضاف قائلاً : ’’ بلاها كورة .. الناس بتموت .. المسألة متستهلش كل ده’’.. فيما قال نجم هجوم الأهلي عماد متعب: مش هنلعب غير لما ناخد حقنا .. وحق الناس دي ترجع .. ناس ميتة في المدرجات وغرفة خلق الملابس.

وقال محمد بركات لاعب خط وسط النادي الأهلي في مداخلة هاتفية ببرنامج كرة النهار ” اللي بيحصل ده إرهاب ورعب , و إحنا مش هنلعب كرة تانى , ملعون أبوها كرة اللي تخلى الناس تموت , وإحنا مش هنيجى تانى عند الناس دى , علشان الناس دى فاسدة , ولو على الدوري مش عايزينه ولو على الثلاثة نقاط مبروك للمصري بس ليه الناس تموت ” .

وقال أحمد ناجي مدرب حراس النادي الأهلي , وفاة مشجع ثالث من جماهير الأهلي، وقال اللاعب محمد أبو تريكة إنه لقن بنفسه الشهادة لأحد المشجعين الذين لاقوا مصرعهم.

وقال السيد حمدي لاعب النادي الأهلي: اللاعبين كويسين بس فيه ناس ميته هنا وناس ميتة بره وعساكر الأمن بيجيبوا الناس اللي ميته واللي مغمى عليها من بره يحطوهم هنا وبس، وأنا شفت اتنين ميتين بعيني

فيما قال شريف إكرامي: اقسم بالله ما حد فينا ها يلعب غير لما الناس اللي ماتت دي يتاخد حقها.. وردا علي سؤال حول هل وصل الجيش أو قوات الأمن.. جيش ايه؟ انا مش قادر اتكلم اكتر من كده هاقول كلام خارج انا آسف مش هاقدر اتكلم.

لاعبو «أهلى مصر»: يرون شهادتهم.. ملعون أبوها كورة تقتل الناس