كشفت وزارة الداخلية السعودية عن تورط احد المطلوبين للجهات الامنية بقائمة الـ (85) في جريمة اختطاف نائب القنصل السعودي بمدينة عدن بالجمهورية اليمنية عبدالله بن محمد الخالدي، مشيراً الى عرضه عددا من المطالب للإفراج عن الاسير.

وأوضح المتحدث الامني بالوزارة تلقي سفير خادم الحرمين الشريفين في العاصمة اليمنية اتصالاً هاتفياً من مشعل محمد رشيد الشدوخي أحد المطلوبين للجهات الأمنية المعلن عن اسمه بتاريخ 7/2/1430هـ ضمن قائمة (85) مطلوباً، اوضح خلاله تمثيله للفئة الضالة، مؤكداً مسؤوليتهم عن اختطاف نائب القنصل السعودي بعدن ومطالباً بتسليم عدد من السجناء والسجينات إلى أعضاء التنظيم في اليمن فضلا عن فدية مالية سيحددها التنظيم لاحقاً، مهددا بذبح الخالدي ما لم تتم الاستجابة.

وأكد المتحدث الأمني على المواقف الثابتة للمملكة في رفض وإدانة مثل هذه الأعمال الارهابية بكافة أشكالها وصورها التي ينكرها الشرع الحنيف وتأباها الشيم، محملاً من يقف وراء هذا العمل الإجرامي كامل المسئولية عن سلامة المواطن الخالدي وكاشفاً عن أن التنسيق جار مع الأشقاء في الجمهورية اليمنية لتحقيق ذلك.

وفيما يلي نص الاتصال الهاتفي بين السفير السعودي باليمن والشدوخي:

الشدوخي / أنت قبل شوي اتصلت على جوال بخصوص عبدالله الخالدي صح.

السفير / أي نعم.

الشدوخي/ كيف حالك طيب.

السفير / الحمد لله كيف ولدنا عندكم .

الشدوخي/ والله الرجال طيب ما به خلاف الحمد لله صحته طيبة أموره طيبة وان شاء الله الأمور طيبة والجماعة عندهم بعض الكلام ودهم يوصلونه لكم .

السفير/ وش هو الكلام.

الشدوخي/ يعني الكلام من التليفون ما يصلح لكن نشوف الطريقة المناسبة لكم شوفوا اللي تشوفون مناسب أرسل لنا واحد من عندكم سواء سعودي أو يمني أي شي تشوفه مناسب لك يابو فارس.

السفير / وين أرسله لك فيه.

الشدوخي / أرسله عندنا الي ابين الى جعار اول ما يوصل بتصل على هذا الرقم او قبل ما يتحرك يتصل ويعطينا موعد اكيد انه بيوصل ان شاء الله نعطيه الكلام.

السفير / أنا ما اقدر أنت لا تعرفني وأنا لا أعرفك يعني لازم.

الشدوخي/ خلاص ما فيه مشكله طبعا الآن جيتك في الكلام أنا عندي بعض الأسئلة لكم لأنه طبعا هو قال لي كلم الأخ على الحمدان صح.

السفير/ أي نعم معك.

الشدوخي/ وقال كلم ابو فارس وانا عندي بعض الأسئلة أريد أسألك عليها لأنه احنا ما نريد أي طرف ثاني يدخل في الموضوع ما نريد إلا الحكومة السعودية بس .

السفير / طيب قول لي ماتقدر توضح لي ذالحين.

الشدوخي/ المطالب ما تصلح تعرف البلاد مخبوصة والكل يعني والشباب هنا جربوا بعض القضايا زي كذا والكلام بالتلفون ما يصلح كأنك تبغى تأكد منه يعني بخير وانه موجود عندنا ممكن انا بأحاول اخليك.

السفير/ لا لازم اطمئن عليه احنا قلقين عليه مرة.

الشدوخي/ والله انه طيب .

السفير/ انا ما اقدر اواصل إلا لين اسمع صوت الرجال.

الشدوخي/ انا يعني واحد من عندكم انا سعودي ما انا بيمني.

السفير / انت سعودي.

الشدوخي/ انا سعودي الدولة تعرفني وأنا موجود في اليمن لي فترة ممكن نتواصل ان شاء الله بعدين انا طلب مني أني أوصل الرسالة يحملني ابن البلد واعرف دولة أهلي ما يكون فيه وسيله ان شاء الله بأدرس بأرتب مع الجماعة هنا واقول لهم ابوفارس طلب يريد يطمئن فأشرحوا لي الطريقة المناسبة هل تسمحون لعبدالله يتصل هل تشوف فيه راي ثاني ايضا انا عندي أسئلة أريد اطرحها عليك لكن ان شاء الله أنا أعدها وبيكون اتصال علي هذا الرقم.

الشدوخي / الجماعة عندهم مطالب وبيوصلكم ان شاء الله انت قول الجماعه قولهم يريدون كذا كذا انا بالنسبة لي هم ما كلفوني بهذا الموضوع الا الأمور طيبة تمام انا طلب مني اني اتكلم بوضوح اعرفكم منهوا انا وباسمي والدولة عارفة يعني .

السفير / مدام الدولة عارفه وراء ما تعطيني اسمك .

الشدوخي/ انا اسمي مشعل محمد الشدوخي.

السفير/ الشدوخي من القصيم.

الشدوخي/ قصيمي يكلم قصيمي ان شاء الله خير.

السفير/ لهجتك نسيت القصيمية.

الشدوخي/ لا ما نسيتها لكن علشان نشأنا في اليمن وضاعت في بعض الكلام .

السفير/ القصيمي عمره ما ينسى لهجته .

الشدوخي/ انا معك بريداوي اللي تبي بس .

السفير/ ايه واضح.

الشدوخي/ انا تواصلت مع الجماعة قالوا عادي تكلم معاه بالتلفون انتو عندكم اعتراض على التلفون والا عادي.

السفير/ لا ما فيه اعتراض تفضل.

الشدوخي/ خلاص المطالب موجودة عندي.

السفير / تقولها لي.

الشدوخي/ معك قلم وورقه.

السفير/ طيب ايوه تفضل.

الشدوخي/ عندك الطلب الأول إطلاق جميع المسجونات في السجون السعودية وتسليمها لنا في اليمن.

السفير/ واذا ما يبغى يروحون لليمن ايش تسوي فيهم.

الشدوخي/ بعدين نتشاور لأنهم يقولون خذ المطالب .

السفير / تفضل الثاني.

الشدوخي/ لا تستعجل الله يهديك .

السفير/ بالله تفضل.

الشدوخي/ وين وصلنا وتسلمهم لنا في اليمن معي الأخت القصير ونجوى الصاعدي واروى بغدادي وحنان سمكري ونجلاء الرومي وهيفاء الاحمدي الاسيرات في السجون السعودية .

السفير/ طيب ايوه تفضل راح الصوت.

الشدوخي/ المطلب الثاني إطلاق سراح جميع المعتقلين في سجون المباحث العامة.

السفير / طيب تفضل.

الشدوخي/ وكذلك الذين تم اعتقالهم دون توجيه اي تهم .

السفير/ طيب.

الشدوخي/ وعلى رأس هؤلاء جميعاً هؤلاء الأسماء الأول الشيخ فارس الزهراني الشيخ ناصر الفهد الشيخ عبدالكريم الحميد عبدالعزيز الطويلعي سليمان العلوان وليد السناني على خضير محمد الصقعبي خالد الراشد ويكون تسليم المشايخ لنا في اليمن هذا المطلب الثاني تمام المطلب الثالث.

السفير / الثالث هذا الرابع اللي تقوله ها الحين .

الشدوخي / خلاص عدوا لنا رابع تمام اطلاق سراح جميع المعتقلين اليمنيين المسجونين عند المباحث العامة.

السفير/ ما فيه هنا المباحث العامة.

الشدوخي/ لا المباحث العامة دون استثناء تمام .

السفير / تمام .

الشدوخي/ المطلب الخامس والأخير دفع فديه ماليه سيتم الاتفاق عليها فيما بعد عموماً أنا مجرد ناقل لرسالة فهمتني ولا فيه ناس عندنا هنا والله العظيم من أول ما اختطف الخالدي وهم يقولون جهزوا السكين .

السفير / انتم هالحين يا أخ مشعل بديتوا فينا.

الشدوخي / انا أقولك امير التنظيم كلفني اني اتواصل معكم في هذا الكلام.

السفير / من هو امير التنظيم.

الشدوخي/ ناصر الوحيشي الدولة تعرفه انت سفير السعودية في اليمن عارف ها الاشياء كلها ناصر الوحيشي سعيد الشهري وقاسم الرومي كلهم تعرفهم الدولة ، هذا الآن قنصل يختطف بكرة سفارة تنفجر بكرة أمير يقتل.

تفاصيل المكالمة الهاتفية بين خاطفي القنصل السعودي والسفير السعودي باليمن